Accessibility links

Қазіргі қазақ киносында жаңа бағыт бар ма?


Қазақстандық кинорежиссер Елзат Ескендірдің «Өліара» қысқаметражды фильмінен алынған скриншот.
Қазақстандық кинорежиссер Елзат Ескендірдің «Өліара» қысқаметражды фильмінен алынған скриншот.

AzattyqLIVE қазақстандық кино өнеріндегі соңғы жаңалықтар мен халықаралық кино фестивальдерге ұсынылған фильмдерді талқылады. Хабар қонағы - Пусан кино фестивалінде бас жүлде алған «Өліара» қысқа метражды фильмінің авторы, кинорежиссер Елзат Ескендір.

Халықаралық Пусан кинофестивалі 1996 жылдан бері жыл сайын өтіп келеді. Оңтүстік Кореяның Пусан қаласында орналасқан «Пусан кино орталығында» өтетін бұл байқау Азиядағы ең ірі кинофестиваль саналады. Кейбір сарапшылар оны «Азия Оскары» деп те атайды. Байқауға негізінен жас режиссерлердің жұмыстары қатысады.

Қазақстандық кинорежиссер – Елзат Ескендірдің «Өліара» қысқаметражды фильмі Пусан кинобайқауынан бас жүлде алған тұңғыш қазақстандық қысқаметражды фильм. «Өліара» - Оралхан Бөкейдің осы аттас хикаятының желісімен түсірілген. Сценарий авторы - Өміржан Әбдіхалық, продюсері - Сергей Әзімов. Фильмде қойлы ауылдағы шағын отбасының тағдыры суреттеледі.

Қазіргі қазақстандық кино төңірегіндегі ең басты мәселелер қандай? Жас режиссерлердің шығармашылық тұрғыда дамуына жағдай жасалған ба, бәсеке бар ма? «Мемлекеттік тапсырыспен» кино түсіру жаңа бастаған режиссерге қалай ықпал етуі мүмкін? Соңғы кезде жиі аталып жүрген «партизандық кино» деген не? Шетелдік байқаудан жүлде алу – кинода даңғыл жол аша ма? Кинорежиссер Елзат Ескендір осы және өзге де сауалдарға жауап берді.

Қазіргі қазақ киносында жаңа бағыт бар ма?
please wait

No media source currently available

0:00 0:27:49 0:00

  • 16x9 Image

    Қасым АМАНЖОЛ

    Қасым Аманжол – Азаттық радиосының тв-продюсері. 1977 жылы Шығыс Қазақстан облысында туған. Әл-Фараби атындағы Қазақ ұлттық университетінің журналистика факультетін, Жүргенов атындағы Өнер академиясының кино және телевидение факультетін аяқтаған. 20 жылдан астам Қазақстанның телевизия саласында істеп келеді. Авторлық бағдарламалардың, деректі фильмдердің авторы. «Шынның жүзі» сұхбаттар циклын, «Анық Абай» деректі сериалын, саясаткер Алтынбек Сәрсенбайұлы жайлы фильмдерді, 2014 жылы Шығыс Украинадағы соғыс пен Қырым туралы фильмдер түсірген. 2015 жылдан бері Азаттықта тікелей эфирлер жүргізіп, тележобалар жасайды. Телетоптың жұмысына продюсерлік істейді.

XS
SM
MD
LG