Пәкістанның Лахор қаласындағы екі жанкештілік жарылыстан құрбан болғандардың саны 39-ға жетті, олардың арасында сарбаздар да бар. Полицияның айтуынша, қала орталығында екі жанкешті кісі әскерилердің көлігі жанында өздерін жарып жіберген. Бұл шабуылға байланысты жауапкершілікті ешкім өз мойнына алмады.
Соңғы айларда Лахорда исламшыл бүлікшілер белсенділік танытуда. Дүйсенбі күні қауіпсіздік күштерінің ғимаратына жасалған шабуылдан кемінде 13 адам құрбан болған еді.