Accessibility links

Таиландта жағдай шиеленісіп тұр


Үкіметқа қарсы шеруге шыққандар Таиланд қарулы күштері штаб-пәтерінің алдына келді. Бангкок, 29 қараша 2013 жыл.
Үкіметқа қарсы шеруге шыққандар Таиланд қарулы күштері штаб-пәтерінің алдына келді. Бангкок, 29 қараша 2013 жыл.
Таиландта үкімет үйін полиция күші қоршауға алып күзетіп тұр. Жексенбіге қараған түні ел астанасы Бангкокте атыс естілгені туралы хабар тарады.

Бұған дейін оппозиция жетекшілері жексенбі күні наразылық шеруіне шығып, үкімет кеңсесін басып алатындарын мәлімдеген еді.

Сенбі күні полиция мен шерушілер, сондай-ақ билікті қолдайтындар мен қарсы жақ арасында болған қақтығыстар салдарынан бір адам мерт болып, оннан аса адам жарақат алған.

Бангкокте үкіметке қарсы наразылық акциялары апта бойы жалғасып жатыр. Жағдай шиеленіскен соң премьер-министр Йинглак Чинават жақын күндерге жоспарланған бірқатар ресми шараларды кейінге қалдыруға мәжбүр болды.

Оппозиция Йинглак Чинават үкіметін оның ағасы, экс-премьер Таксин Чинават бақылайды деп айыптап, үкіметтің отставкаға кетуін талап етіп отыр.

2010 жылы Таксин Чинаваттың мыңдаған жақтасы Бангкоктің көп бөлігін басып алып, екі ай бақылауда ұстаған еді. Екі айда 90-нан астам қаза тапқан. Кейін Йинглак Чинават үкімет басына келген.
XS
SM
MD
LG