Нұрбек ТҮСІПХАН
ТВ-продюсер, Азаттық радиосы AzatNEWS жаңалықтар бағдарламасының продюсері әрі жүргізушісі. 2019 жылы AzatNEWS Азат Еуропа/Азаттық Радиосындағы үздік ақпараттық бағдарламалар қатарына кірген. Қытайдан Қазақстанға, одан Швецияға кетуге мәжбүр болған қазақ әйелі Сайрагүл Сауытбайдың тағдырын баяндайтын «Демократия мен диктатураның арасы» деректі фильмі 2020 жылғы үздік фильмдер қатарында аталды. Әл-Фараби атындағы Қазақ ұлттық университетінің филология факультетін бітірген. Азаттыққа келерден бұрын «Парасат» журналында, «Шалқар» радиосында және «Алматы», «Таң» телеарналарында жұмыс істеген.
"Эфирден адам құқығы, саясат, жемқорлық, әлеуметтік мәселе мен мәдениет, ғылым саласындағы маңызды оқиғаларды айтамын. Авторлық көзқарасымнан қоғамның пікірі, елдің үні маңызды, сондықтан ақпаратты бұрмалаусыз, бейтарап түрде баяндаймын. Шоу емес, шынайы ақпарат іздегендермен доспын. Басқалар білуі тиіс деген қызық я маңызды ақпаратыңыз болса, хабарласаңыз".
Email: tussivkhann@rferl.org
Facebook
Twitter: @NTusipkhan
