Қоғамдық белсенділер Дмитрий Щелоков пен Ринат Кибраев оппозициялық тұлға Мұхтар Әблязовтың картоннан ойылған суретін әкімшілікке алып келді. Олар суретті Жібек жолы даңғылындағы Арбат деп аталатын алаңқайға қою үшін әкімшіліктен рұқсат сұрады. Қазақстанның Франциядан Әблязовты қайтаруын талап еткенін еске салған екі азамат оның суретін қалаға қойып, жұрттың "Әблязовпен" сөйлесуіне мүмкіндік бергісі келетінін" айтқан. Әкімшілікке өтініш жазып, жауабы кейін белгілі болатынын білген белсенділерді қайтып бара жатқан жолда полиция ұстап әкетті. Алматы, 20 тамыз, 2013 жыл.