Роза Отынбаева Қырғызстанды Құрманбек Бакиевті биліктен тайдырғаннан кейінгі қиын кезеңде - 2010 жылдың мамырынан 2011 жылдың желтоқсанына дейін басқарған. Орталық Азиядағы тұңғыш әйел президент болған Роза Отынбаева уақытша президенттік міндетін аяқтап, билікті басқа саясаткерге демократиялық жолмен өткізіп берді. Биліктің бұлай ауысуы бұл аймақта бірінші рет болған. 65 жастағы экс-президент қазір Қырғызстандағы әйелдер мен балалардың білім алуы мәселесімен шұғылданатын «Роза Отынбаеваның бастамалары» қорын басқарады. Ол Азаттыққа берген сұхбатында саясаттан неге кеткені жайлы, Қырғызстанның демократиялық принциптерге қаншалықты сай екені туралы, Орталық Азия елдерінің бір-бірімен қарым-қатынасы жөнінде әңгімеледі.