Колесниковтің жақтастары наразылық акцияларын жалғастыруда

КИЕВ. Киевте тұтқындалған Донецк облыстық кеңесінің төрағасы Борис Колесниковтің Киевтегі жақтастары оны босатуды талап етіп өткізген митингтерді жаппай қарсылық акцияларына ұластырмақ ниетте. Колесников сәрсенбі күні қорқытып-үркіту мен адам өміріне қастандық жасамақшы болды деген айыппен тұтқындалған еді. Ал Донецктің бас алаңында митингке шыққандар Колесников бұрынғы президенттікке үміткер Виктор Януковичтің жақтасы болғандықтан, саяси қуғынға ұшырады деп есептейді. Ресми Киев Колесниковтің ісі тек қылмыстық сипатта деп мәлімдеді.