БЕЙРУТ. Ливандағы парламент сайлауының жексенбі күні болып өткен үшінші турының бүгін жарияланған ресми қорытындысы жергілікті христиандардың лидері, бұрынғы генерал Мишель Аун бастаған саяси бірлестіктің осы өлкеге бөлінген 16 депутаттық орынның 15-сін жеңіп алғанын көрсетті. Мишель Аун – 14 жылдай қуғында болған Франциядан жақында ғана оралды. Ливанның Сирияға қарсы оппозициялық күштері Дамаскінің саяси үстемдігін жою мақсатында 128 депутаттық парламентте басым дауысқа ие болуды көздеген болатын.