Ресейдің сұрауы бойынша Испанияда чешен сепаратистерінің бірі ұсталды

ВАЛЕНСИЯ: Испания полициясы Ресей іздеу жариялаған чешен сепаратисін қолға түсірді. Мұрад Гасаев деген чешен азаматы Испанияның Валенсия теңіз порты түбіндегі Мислата мекеніндегі пәтерінде тұтқындалған көрінеді. Ол жұма күні ұсталған. Полицияның хабарлауынша, бірнеше террористік қастандыққа қатысы бар айыпталған М.Гасаевқа Ресей халықаралық іздеу жариялаған.