Цхинвалиде жоғары шенді Ресей офицері мерт болды

Цхинвалидегі террорлық қастандықтан қанша адамның қаза болғаны туралы ресми мәлімет, Ресей армиясының басшылығы хабарлағандай, дүйсенбі күні жарияланады.
Бастапқы дерек бойынша, жұма күні ресейлік бітім күштерінің штабы алдында бомба орнатылған аутокөліктің жарылуынан 7 орыс жауынгері мерт болып, тағы жетеуі жараланды. Олардың ішінде Оңтүстік Осетиядағы бітім күштері штабының бастығы Иван Петрик болды. Оның қазасын Ресейдің жаяу әскері бас қолбасшысының көмекшісі Игорь Конашенков растады.