Британия премьер министрі Пәкістанға барды

Бүгін Британия премьер министрі Гордон Браун Пәкістанға барып, президент Асиф Али Зардаримен аймақтағы қауіпсіздік мәселесі бойынша келіссөздер өткізді. Ол Пәкістанға Үндістаннан келді, онда үндістандық әріптесімен кездескен Браун Үндістанның Мумбайдағы террорлық шабуылдың артында Пәкістанда орналасқан Лашкар-е-Таиба жауынгерлік тобы тұр дегенін қолдады. Өткен айда болған шабуылдар екі елдің арасындағы қарым-қатынасты шиеленістіріп жіберген.