Алматыда тұрақтандыру бағдарламасын жүзеге асыру мәселесі талқыланды

Алматыда ҚР премьер-министрі Кәрім Мәсімовтің тапсырмасымен құрылған тұрақтандыру бағдарламасын жүзеге асыру барысында туындаған мәселелерді қарастыруға арналған жұмыс комиссиясының алғашқы отырысы болды.

Қала әкімінің орынбасары Ербол Шормановтың төрағалығымен өткен отырысқа тұрақтандыру бағдарламасы аясында займды рәсімдеуде қиындыққа ұшырап жүрген кәсіпкерлер қатысты. Бірқатар кәсіпкерлер өздеріне тұрақтандыру бағдарламасының орнына жоғарғы сыйақы мөлшерлемесімен басқа банктік қызметтер ұсынылғанын таңғалыспен жеткізді.