Қазақстанда президенттікке үміткерлерді ұсыну аяқталып қалды

Бүгін Қазақстанда сәуірдің 3-нде өтетін президент сайлауына қатысып, бақ сынағысы келетін үміткерлер ұсынылатын - соңғы күн.

Әзірге талапкерлердің саны 20-ға жетті. Олардың бесеуі кандидаттыққа тіркелу үшін міндетті талап - қазақ тілі сынағынан өте алмады. Өзін-өзі ұсынған екі адам өз кандидатурасын қайтып алды.

Осыған дейін кандидат ретінде тіркелген үміткер біреу-ақ, ол – қазіргі президент Нұрсұлтан Назарбаев.

Кандидаттарды тіркеу 2 наурызға дейін жалғасады, президенттік сайлау 3 сәуірге белгіленген.