Назрань тұрғыны полиция ұстамақ болғанда өзін өзі жарып жіберген

Назрань қаласында құқық өкілдері ұстамақ болған кезде жергілікті тұрғын өзін өзі жарып жібергені туралы ресейлік "ИТАР-ТАСС" агенттігі хабарлады.

Алдын ала ақпараттар бойынша, жарылыстан полиция қызметкерлерінен ешкім зардап шекпеген.

Ингушетия құқық органдары қаза тапқан адамның аты-жөні анықталғандығын хабарлаған.

Ингушетиядағы тағы бір қала - Қарабұлақта террорлық акция жасауға дайындалып жатқан топ бар екендігі туралы ақпараттан кейін бұл елдімекенде террорға қарсы ерекше жағдай тәртібі енгізілді.