Медведев Солтүстік Корея басшысымен кездесті

Ресей президенті Дмитрий Медведев Сібірдің шығысында Солтүстік Корея жетекшісі Ким Чен Ирмен келіссөз өткізіп жатыр.

Ресей бұқаралық ақпарат құралдарының хабарлауынша, кездесу Бурят республикасының астанасы Улан-Удэдегі әскери базада басталған.

Екі ел жетекшілері энергетикалық жобалар мен экономикалық көмек және ядролық қарусыздану мәселесін талқылауы тиіс.

Солтүстік Корея арқылы Оңтүстік Кореяға табиғи газ тасымалдайтын құбыр салу туралы Мәскеудің ұсынысына ерекше назар аударылуы мүмкін.

Ким Чен Ир Ресейге сенбі күні барған болатын.