Бұл әскери штабты ресейшіл қарулы топ 19 наурыз күні басып алды. Ресейдің Қара теңіз флотының вице-адмиралы Александр Витконы «Ресей» деп ұрандатқан адамдар қарсы алды. Бос қалған штабта украиналық әскерилер болған жоқ. 19 наурыз күні Украина қорғаныс министрі Игорь Тенюх Қырымнан әскердің кетпейтінін мәлімдеді. Алайда мәлімдемеден бір сағат өткенде Севастопольдегі әскери-теңіз штабынан Украина әскерилері кете бастаған. 16 наурыз күні Қырымда референдум өтіп, «тұрғындардың 96 пайыздан астамы Ресейге қосылуды қолдап дауыс берді» деген хабар таратылды. Батыс елдері референдумды мойындамайды.