Accessibility links

АҚШ: Малайзия ұшағын зымыранмен атқан


Malaysia Airlines компаниясы ұшағының көтерілген сәті деп жарияланған фото. Амстердам маңындағы әуежай, 17 шілде 2014 жыл.

Malaysia Airlines компаниясы ұшағының көтерілген сәті деп жарияланған фото. Амстердам маңындағы әуежай, 17 шілде 2014 жыл.

АҚШ барлаушылар қауымдастығы "Малайзияның Boeing-777 ұшағын белгісіз біреулер зымыранмен атқанын" хабарлаған.

Қауымдастық "Зымыранды нақты кім атқанын айту қиын. Оны анықтау үшін біраз уақыт керек" деген. Мұны есімін жариялаудан бас тартқан АҚШ үкіметі сарапшыларының бірі Washington Post газетіне мәлімдеген.

Сарапшының айтуынша, "АҚШ зымыранды кім атқанын анықтау үшін қолдан келгеннің бәрін жасайды". Бұған дейін америкалық сарапшылар 10 мың метр биіктікте ұшып бара жатқан ұшақты тек «Бук» немесе С-300 зымыран кешенімен атып құлатуға болатынын мәлімдеген еді. Мұндай ракеталар Ресейде де, Украинада да бар.

АҚШ президенті Барак Обама Делавар штатында сөйлеген сөзінде "АҚШ-тың ұшақ апатының себептерін анықтауға қажетті көмектің бәрін көрсетуге дайын екенін" мәлімдеді.

Обама «Өте ауыр қайғы. Бұл жағдайға қатысты АҚШ президенті жанындағы өкілдер Украина үкіметімен сөйлесіп жатыр» деп мәлімдеді.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG