Куала-Лумпурдегі акция
Куала-Лумпурдегі Ресей және Украина елшіліктеріне келген ондаған адам Украинаның Донецк облысында болған ұшақ апатының мән-жайын анықтау үшін әділетті тергеу жүргізілуін талап етті. 17 шілде күні Амстердамнан Куала-Лумпурге ұшып шыққан Malaysia Airlines әуе компаниясының Boeing 777 жолаушылар ұшағы Украинаның шығысында ресейшіл сепаратистер бақылауындағы аймаққа құлаған еді. Ұшақ бортында болған 298 адам түгел қаза тапты. Олардың 44-і Малайзия азаматтары болатын.