Accessibility links

БҰҰ Украинаға қатысты төтенше жиын өткізді


Донецк көшелерінде жүрген айырым белгісі жоқ БТР. 12 қараша 2014 жыл.

Донецк көшелерінде жүрген айырым белгісі жоқ БТР. 12 қараша 2014 жыл.

БҰҰ Қауіпсіздік кеңесі қарашаның 12-сінде Украинадағы жағдайға қатысты төтенше жиынын өткізді. Жиында АҚШ өкілдері сепаратистердің бақылауындағы аудандарда "кең ауқымды соғыстың қайта басталуы қаупі бар" екенін ескертті.

Қарашаның 12-сі күні НАТО бас қолбасшылығы қарашаның 10-ынан бастап Украинаға Ресейден танкілер, артиллериялық қару-жарақ пен әуе шабуылынан қорғаныс кешендері кіргізіліп жатқанын хабарлаған. Мәскеу бұл ақпаратты теріске шығарып отыр.

АҚШ-тың БҰҰ-дағы өкілі Саманта Пауэрс Қауіпсіздік кеңесі жиынында "Ресей бейбітшілік туралы айтқанымен, соғысты өршітуін тоқтатпай отыр" деп мәлімдеді. Халықаралық бақылаушылардың дерегіне қарағанда, кейінгі күндері сепаратистердің позициялары сырттан келген қару-жарақ есебінен біршама күшейтілген.

Брюссельде сөйлеген ЕҚЫҰ бас хатшысы Ламберто Занье ұйымның пилотсыз аппараттарының "сепаратистердің жанында айырым белгілері жоқ әскерилердің жүргенін" байқағанын айтады. Ол бітім шартының орындалуын бақылап жүрген ЕҚЫҰ-ның пилотсыз аппараттарының сигналдарына белгісіз аймақтан жоғары технологиялық әскери құрылғы арқылы бөгет жасалып жатқанын да ескертті.

XS
SM
MD
LG