Accessibility links

SCAT ең қауіпті әуе компаниялары тізіміне енді


Scat компаниясының ұшағы

Scat компаниясының ұшағы

Airlineratings.com сайты әлемдегі ең қауіпсіз әуе компанияларының тізімін жариялады.

Рейтинг басында австралиялық Qantas компаниясы тұр. Онымен бірге алғашқы ондыққа Air New Zealand, British Airways, Cathay Pacific Airways, Emirates, Etihad Airways, EVA Air, Finnair, Lufthansa және Singapore Airlines енген.

Бағасы арзан (low-cost) әрі қауіпсіз авиакомпаниялардың қатарына Aer Lingus, Alaska Airlines, Icelandair, Jetblue, Jetstar, Kulula.com, Monarch Airlines, Thomas Cook, TUI Fly және Westjet кірген.

Ал тізімдегі ең қауіпті әуе компаниялары қатарында қазақстандық SCAT, непалдық Tara Air және Nepal Airlines, ауғанстандық Kam Air компаниялары аталған.

Зерттеуге барлығы 449 әуе компаниясы қатысқан.

2013 жылы қаңтардың 29-ы күні Алматы маңында SCAT компаниясына тиесілі Көкшетау-Алматы бағытымен ұшып келе жатқан Challenger-200 ұшағы құлап, борттағы 5 экипаж мүшесі мен 16 жолаушы опат болған еді.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG