Accessibility links

"Самұрық-қазына": Спорт жобалары қаржысына орай шешім шыққан жоқ


"Самұрық-қазына" демеушілік ететін спортшылардың бірі - ауыр атлет Илья Ильин.

"Самұрық-қазына" демеушілік ететін спортшылардың бірі - ауыр атлет Илья Ильин.

"Самұрық-қазына" спорттық жобалардың қаржысына байланысты әлі шешім қабылдамаған. Бұл туралы Азаттық радиосына ұлттық қордың баспасөз қызметі мәлімдеді.

"Самұрық-қазына" демеушілік ететін спорттық жобалардық қаржысы қысқарту-қысқармауы туралы нақты айту қиын. Бұл мәселе бір айдың көлемінде қаралады" деп жауап берді, ұлттық қордың баспасөз қызметі Азаттықтың ресми хатына.

Осыған дейін қордың атқарушы директоры Дархан Қалетаев "Самұрық-қазына" әлемдегі және елдегі қазіргі қаржылық жағдайға байланысты қор көрсететін демеушілік және қайырымдылық көмектерінің көлемін азайтатынын мәлімдеген.

"Самұрық-қазына" Лондон олимпиадасының чемпионы ауыр атлет Илья
Ильин, Сочи олимпиадасының қола жүлдегері мәнерлеп сырғанаушы Денис Тенді, "Астана арландары" бокс клубына, "Қайрат" футзал командасына, "Астана" велоклубын, "Астана моторс" автоклубын, шаңғы, бокс, ауыр атлетика, хоккей федерацияларын қаржымен қамтамасыз етеді.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG