Accessibility links

БҰҰ: Иракта өткен айда 1375 адам мерт болған


Ирактың Киркук қаласында жарылыс болған жерде. 30 қаңтар, 2015 жыл.

Ирактың Киркук қаласында жарылыс болған жерде. 30 қаңтар, 2015 жыл.

БҰҰ-ның Иракқа көмек көрсету миссиясының соңғы дерегі бойынша, бұл елде қаңтар айында қақтығыстар мен түрлі шабуылдардан 1375 адам мерт болып, 2240 адам жараланған. Миссия ақпаратына қарағанда, құрбандардың 790-ы бейбіт тұрғындар, 585-і елдің біраз бөлігін басып алған радикалды "Ислам мемлекеті" ұйымы содырларымен соғысып жатқан Ирак армиясының сарбаздары.

Жараланғандардың 1469-ы бейбіт тұрғындар, қалған 771-і армия және қауіпсіздік күштерінің қызметкерлері.

Қаңтар айында ең көп құрбан - 256 адам Бағдад қаласында мерт болған.

БҰҰ миссиясының ақпараты бойынша, 2014 жыл Иракта 2006-2007 жылдардан бергі кезеңде ең көп адам қазасы тіркелген (12282 адам) жыл болған. Бірақ, БҰҰ тіркеуге алынбаған құрбандар саны ресми есептегіден асып кетуі мүмкін деп ескертеді.

XS
SM
MD
LG