Египетте жолаушылар ұшағы апатында қаза тапқандардың 200-ден аса жақын-туыстары Санкт-Петербургтегі «Пулково» әуежайына жиналды. Бұл жерде оларға медициналық және психологиялық жәрдем көрсетіліп жатыр. Көпшілігі мұнда Ресейдің басқа аймақтарынан ұшып келген. 31 қазанда таңертең Египеттің Шарм-эш-Шейх курортты қаласынан Ресейдің Санкт-Петербург қаласына ұшып шыққан ресейлік Ресейдің «Когалымавиа» әуе компаниясына тиесілі Airbus 321 жолаушылар ұшағы Синай түбегіне құлаған. Ұшақтағы 224 адамнан ешкім тірі қалмаған. Олардың басым көпшілігі – Ресей азаматтары, сонымен бірге төрт украиналық және бір беларус азаматы опат болған.