Қазақстан президенті Нұрсұлтан Назарбаев бүгін ресми сапармен Түркияда болады деп хабарлады Ақорданың баспасөз қызметі.
Ресми ақпаратқа қарағанда, сапар барысында Назарбаев Түркия президенті Режеп Тайып Ердоғанмен кездеседі және кеңейтілген құрамда келіссөздер жүргізеді.
Түркия президенті әкімшілігінің хабарлауынша, Назарбаев пен Ердоғанның кездесуінде екі ел арасындағы барлық саладағы ынтымақтастықты дамыту және түркі тілдес мемлекеттер ынтымақтастығы кеңесінің қызметі талқыланбақ.
