22 маусымда Алматы соты "Нұр Отан" партиясын сынағаны, Facebook-тегі посты үшін "көрінеу жалған ақпарат таратты" деген айып тағылған азаматтық белсенді Әлнұр Ильяшевтың бостандығын үш жылға шектеді. Сот оған 100 сағат мәжбүрлі қоғамдық жұмыс істеуді міндеттеп, бес жыл бойы қоғамдық қызметпен айналысуына тыйым салды. Азаттық екі айдан аса уақыт қамауда отырып, шартпен босаған белсендімен сот процесі жайлы, Қазақстанның саяси-қоғамдық өмірі, экс-президент Нұрсұлтан Назарбаевтың билікке ықпалы, жаңадан қабылданған бейбіт жиын заңы туралы сөйлесті.