10 қаңтарда Қазақстанда парламент сайлауы өтті. Кешке сайлау учаскелері жабылып, дауыс санау процесі болды. Биылғы сайлауға елдің-экс басшысы, президенттіктен кетсе де, билікке ықпал етіп отырған Нұрсұлтан Назарбаевтың "Нұр Отан" партиясы мен билікшіл төрт партия қатысты. Сайлауға оппозициялық күштер қатыса алмады. Сайлау күні елде оппозициялық топтар наразылыққа шықты. Полиция дауыс беру күні билікке талап айтқан ондаған адамды ұстап әкетті.