Жұма күні Қырғызстан астанасында аяқталған Шанхай ынтымақтастығы ұйымы (ШЫҰ) саммитінің қортындысы бойынша бірлескен декларация қабылданды.
Құжатта ШЫҰ-на мүше мемлекеттер халықаралық және аймақтық жанжалдарды реттеу ісі тек қана бейбіт саяси-дипломатиялық құралдардың көмегімен, тең құқылық, мемлекеттердің егемендігі мен жерінің біртұтастығын құрметтеу және мемлекеттердің ішкі ісіне араласпау принциптеріне, сондай-ақ күш қолданудан немесе күш қолданатыны туралы қорқытып-үркітуден бас тартуға негізделуі тиіс екендігін атап өткен.
ШЫҰ-на мүше мемлекеттер Сириядағы дағдарысты бұл елдің егемендігін сақтай отырып сириялықтардың өздері шешуі тиіс деген ұстаным білдірген. Олар Сириядағы зорлық-зомбылықты тезірек тоқтату қажеттігін айта отырып, 2012 жылы 30 маусымда қабылданған Женева коммюникесі негізінде билік пен оппозиция арасындағы кең көлемді саяси диалог ешқандай алғышартсыз басталуы керек деп санайды.
ШЫҰ-на мүше мемлекеттер Сириядағы ахуалды қалпына келтіру және татулық орнату үшін халықаралық конференция шақыру жөніндегі күш-жігерді қолдайтынын білдірген.
Сонымен бірге ШЫҰ-ның бейбіт тұрғындарға қарсы терроризм мен зорлық-зомбылықтың кез келген түрін, әсіресе діни және ұлттық негіздегі күш көрсетуді табанды түрде айыптайтыны, Сириядағы ішкі дағдарыстан соғыс отын өршітуге бағытталған заңсыз іс-әрекеттерге қарсы екендігі айтылған.
ШЫҰ-на мүше мемлекеттер Сирияның химиялық қару-жарағын халықаралық қауымдастықтың бақылауына беру және содан кейін жою, сондай-ақ бұл елдің химиялық қаруды әзірлеуге, өндіруге, жинауға және қолдануға тыйым салу конвенциясына қосылуы туралы бастамаға қолдау танытқан.
Бішкек саммитіне ШЫҰ-на мүше алты мемлекет – Қазақстан, Қырғызстан, Қытай, Ресей, Тәжікстан және Өзбекстанның президенттері, сонымен бірге ұйымға бақылаушы мәртебесі бар Ауғанстан, Иран, Пәкістан, Моңғолия мен Үндістан, диалог бойынша серіктес елдер – Түркия, Беларусь және Шри-Ланка, «арнайы шақырылған тарап» ретінде Түркіменстан өкілдері қатысты.
ШЫҰ-на мүше мемлекеттер басшылары кеңесінің келесі отырысы 2014 жылы Тәжікстан астанасында өтеді.
Құжатта ШЫҰ-на мүше мемлекеттер халықаралық және аймақтық жанжалдарды реттеу ісі тек қана бейбіт саяси-дипломатиялық құралдардың көмегімен, тең құқылық, мемлекеттердің егемендігі мен жерінің біртұтастығын құрметтеу және мемлекеттердің ішкі ісіне араласпау принциптеріне, сондай-ақ күш қолданудан немесе күш қолданатыны туралы қорқытып-үркітуден бас тартуға негізделуі тиіс екендігін атап өткен.
ШЫҰ-на мүше мемлекеттер Сириядағы дағдарысты бұл елдің егемендігін сақтай отырып сириялықтардың өздері шешуі тиіс деген ұстаным білдірген. Олар Сириядағы зорлық-зомбылықты тезірек тоқтату қажеттігін айта отырып, 2012 жылы 30 маусымда қабылданған Женева коммюникесі негізінде билік пен оппозиция арасындағы кең көлемді саяси диалог ешқандай алғышартсыз басталуы керек деп санайды.
ШЫҰ-на мүше мемлекеттер Сириядағы ахуалды қалпына келтіру және татулық орнату үшін халықаралық конференция шақыру жөніндегі күш-жігерді қолдайтынын білдірген.
Сонымен бірге ШЫҰ-ның бейбіт тұрғындарға қарсы терроризм мен зорлық-зомбылықтың кез келген түрін, әсіресе діни және ұлттық негіздегі күш көрсетуді табанды түрде айыптайтыны, Сириядағы ішкі дағдарыстан соғыс отын өршітуге бағытталған заңсыз іс-әрекеттерге қарсы екендігі айтылған.
ШЫҰ-на мүше мемлекеттер Сирияның химиялық қару-жарағын халықаралық қауымдастықтың бақылауына беру және содан кейін жою, сондай-ақ бұл елдің химиялық қаруды әзірлеуге, өндіруге, жинауға және қолдануға тыйым салу конвенциясына қосылуы туралы бастамаға қолдау танытқан.
Бішкек саммитіне ШЫҰ-на мүше алты мемлекет – Қазақстан, Қырғызстан, Қытай, Ресей, Тәжікстан және Өзбекстанның президенттері, сонымен бірге ұйымға бақылаушы мәртебесі бар Ауғанстан, Иран, Пәкістан, Моңғолия мен Үндістан, диалог бойынша серіктес елдер – Түркия, Беларусь және Шри-Ланка, «арнайы шақырылған тарап» ретінде Түркіменстан өкілдері қатысты.
ШЫҰ-на мүше мемлекеттер басшылары кеңесінің келесі отырысы 2014 жылы Тәжікстан астанасында өтеді.
