Премьер-министр Режеп Тайып Ердоған Еуроодақ сыртқы істер министрлерінің Түркияға қатысты шешімін “әділетсіз” деп сипаттады. Дүйсенбі күні Еуроодақ министрлері Түркияның одаққа мүше болуына қатысты келіссөздерді жарым-жартылай тоқтатуға келіскен болатын. Бұған себеп: Анкара Еуроодаққа мүше ел Кипрды мойындағысы келмей, оған өзінің порттарын ашу міндеттемесінен бас тартып отыр.
