Украина мен Еуропа Одағының басшылары Брюссельде Украинаның газ тасымалдау жүйесін жетілдіруге халықаралық инвестиция тарту мәселесін талқылай бастады. Конференцияға Украина президенті Виктор Ющенко мен премьер-министр Юлия Тимошенко, Ресейдің энергетика министрі Сергей Шматко, Еуропа Комиссиясының президенті Жозе Мануэль Баррозу, сондай-ақ Еуропа Одағының сыртқы байланыстар және энергетика мәселелері бойынша арнаулы өкілдері, халықаралық қаржы институттары мен газ өнеркәсібінің өкілдері қатысуда. Кездесудің барысында Украинаның газ тасымалдау жүйесін басқарудың ережесін қайта қарау туралы бірлескен мәлімдемеге қол қоюға тиіс.
