Accessibility links

Түркиядағы жарылыста қаза тапқандар 9-ға жетті


Түркия премьер-министрінің орынбасары Бесир Аталай.

Түркия премьер-министрінің орынбасары Бесир Аталай.

Түркияның оңтүстік-шығысындағы Газиантеп қаласында кеше болған жарылыстан қаза тапқандар саны 9-ға жетті.

Премьер-министрдің орынбасары Бесир Аталайдың айтуынша, бүгін таңертең жараланған 12 жасар қыз ауруханада қайтыс болды. Құрбан болғандардың төртеуі - балалар.

Дүйсенбіде қаладағы полиция бекетінің маңында жарылыс болған еді. Одан алғашында 8 кісі қаза тауып, 70-ке тарта адам жараланған. Жарылыс болған жерде бірнеше көлік пен автобус жанып кетті.

Түркия билігі терактіні Күрд жұмысшы партиясының жауынгерлерінен көріп отыр. Ал партия өкілдері жарылысқа өздерінің еш қатысы жоғын мәлімдеді.
XS
SM
MD
LG