Accessibility links

Наразылар Ұлттық банк басшысымен кездесті


Ұлттық банк алдында девальвацияға наразылық танытып тұрған топ. Алматы, 12 ақпан 2014 жыл.

Ұлттық банк алдында девальвацияға наразылық танытып тұрған топ. Алматы, 12 ақпан 2014 жыл.

Бүгін теңгенің күрт құнсызданғанына наразы бір топ белсенді Алматыда Ұлттық банктің төрағасы Қайрат Келімбетовпен кездесіп, девальвация зардаптарын жеңілдету үшін арнайы республикалық қоғамдық комиссия құруды талап етті.

Азаттық тілшісінің хабарлауынша, Келімбетов ортақ республикалық комиссия құруға қарсы екенін айтып, оның орнына несие, ипотека шарттарымен жеке айналысатын, азық-түлік бағасымен бөлек айналысатын салалық комиссиялар құруды ұсынған. Оның сөзінше, ипотекалық проблемалармен айналысатын комиссия ендігі құрылып қойған және бүгін түстен кейін оның отырысы өтпекші.

Жиналған топтан кәсіпкер Қанағат Тәкеева ипотекалық мәселелерді қарайтын комиссияның бүгінгі отырысына қатысатын болды.

Келімбетовпен "Қазақстан мұсылмандар одағы" ұйымының жетекшісі Мұрат Телібеков, саясаткер Жасарал Қуанышәлин, белсенді Тазабек Сәмбетбай, барлығы алты адам кездескен.

Девальвацияға наразылар кеше де Ұлттық банкке келіп, Келімбетовтің отставкаға кетуін талап еткен еді.
  • 16x9 Image

    Нұртай ЛАХАНҰЛЫ

    Нұртай Лаханұлы. 1973 жылы дүниеге келген. 1998 жылы әл-Фараби атындағы қазақ ұлттық университетінің филология факультеті бойынша тәмамдаған.  «Қазақстан-Заман» газеті мен «Қазақ радиосында» қызмет еткен. 2010 жылдан бері Азаттық радиосында  жұмыс істейді.

XS
SM
MD
LG