Accessibility links

Қазақстандық жүзгіш параазиялық чемпион атанды


Қазақстандық Әнуар Ахметов жүзуден Инчхонда өтіп жатқан Параазиялық ойындардың чемпионы атанды. Ол 100 метрге шалқалап жүзуден үздік нәтиже көрсетті. Ахметов 100 метрге еркін әдіспен жүзуде күміс жүлде жеңіп алды.

Көзі нашар көретіндер категориясында сынға түскен Ахметов жарыстың алғашқы күні екі күміс медаль алған еді.

Жүзуден Қазақстан спортшылары Дмитрий Ли мен (екі қола) мен Мансурбек Ибрашев (бір қола) та Параазиялық ойындардың жүлдесін иеленді.

Мүгедектер арбасында билеу спорты бойынша Ардақ Отарбаев пен Айдана Бегланова да қола медальға қол жеткізді.

Екі күннің қорытындысы бойынша Қазақстан 1 алтын, 4 күміс, 4 қола медальмен жалпы есепте 18-орында тұр. Бұл сында Қазақстан параазиялық құрамасы 2 алтын, ал барлығы 20 медаль алуды жоспарлап шыққан.

Жарыс 24 қазанда аяқталады.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG