Ауғанстан билігі Үндістан консулдығы маңындағы террорға қарсы операцияның аяқталғанын мәлімдеді.
Балх Атта уәлаятының губернаторы, операцияны басқарған Мохаммад Нұр Facebook парақшасында бұл ақпаратты растады. Жергілікті полиция басқармасының басшысы Сайед Камал Садат операцияның бір күнге созылғанын, операция кезінде елшілікке шабуыл жасаған төрт адам да қаза тапқанын хабарлады.
3 қаңтар күні Ауғанстанның Мазари-Шариф қаласында Үндістан консулдығы ғимаратында екі жарылыс болғаны туралы ақпарат тараған. Ауғанстан полициясы сол күні шабуылдың беті қайтарылғанын, бірақ бірнеше содыр көрші ғимаратқа бекініп алғанын хабарлаған. Оқиға барысында кемінде бір бейбіт тұрғын жараланған. Қаза тапқандар мен жаралылар туралы нақты мәлімет жоқ. Шабуылды ешқандай топ мойнына алмады.
