Серікболсын Әбділдин 1991 жылы 10 желтоқсанда Қазақ ССР-інің атауын Қазақстан Республикасы деп өзгерткен, 1991 жылы 16 желтоқсанда Қазақстанның тәуелсіздігін жариялаған, 1993 жылы тәуелсіз Қазақстанның тұңғыш Конституциясын қабылдаған бірінші парламенті - Жоғарғы Кеңестің (1991-1993) төрағасы болды.
Ол 1994 жылы, Жоғарғы Кеңестің 12-шақырылымы өзін таратқан соң оппозицияға өтті.
І және ІІ шақырылымдағы мәжіліс депутаты болды. 1999 жылғы кезектен тыс президент сайлауына оппозицияның ортақ үміткері ретінде қатысып, Нұрсұлтан Назарбаевтан кейін екінші орын алды.
Қазақстан компартиясының 2010 жылғы сәуірдегі пленумында Серікболсын Әбділдин партияның бірінші хатшысы қызметін Ғазиз Алдамжаровқа тапсырды.
Серікболсын Әбділдин "Тәуелсіздікке 20 жыл: жүзеге асқан және іске аспаған мүмкіндіктер – қайсысы басым?" тақырыбында Азаттық радиосының сайтында өткен онлайн-конференцияға оқырмандардан келіп түскен сұрақтардың барлығына жауап берді.
