Ғазиз Алдамжаровтың онлайн-конференциясы

Әрине, бар. Халық атам заманнан бері теңдікті, әділдікті аңсап келеді. СССР заманында соған біршама жақындап қалғанбыз. Қазір де, қарап отырсаңыз, көп елдерде Коммунизм идеясына жақын социалистер билік басында отыр және капиталистік партиялардың басты қарсыластары болып табылады. Алысқа бармай-ақ, оны Франциядағы президенттік сайлаудан-ақ көре аламыз. Ал КНПК-ға келсек, ол билікке сатылған партия. Оны парламентке бекер өткізді дейсіз бе? Егер шын Компартия болса, қазір неге Мәжілісте отырып, халықтың мұңын мұңдап, билікке қарсы шықпай отыр?
Ал шетелдік Компартияларға келетін болсақ, олар 95-тен асады. Және олардың көбісі біздің партияның жұмысын 6 айға тоқтатқанда, былтыр қан айында – бізге қолдау білдірген болатын. Ал Ресей Компартиясы тіпті Назарбаевтың өзіне шыққан еді, ҚКП-ны жапауын сұрап, бірақ біздің елбасы оған жауап қайтарған жоқ.

: Әбләзов те халқым, мемлекетім үшін деп күресіп жүрген азаматтардың бірі. Және қазаққа жаны ашитын адам ретінде білем. Оның үстіне халық үшін күрескен азамат бүгінде, бірінші кезекте, қазақтардың жарқын болашағы үшін күреседі. Басқаша болуы мүмкін де емес.
Өш алып жүр дегенге сенбеймін. Оның шыдамы таусылып, содан кейін ол ашық күреске шықты деп ойлаймын.
2. Халық майданы да осындай наразылықтан, шыдамның таусылғанынан туған қозғалыс. Ол мерзімінен бұрын өткен парламенттік сайлау қарсаңында құрылды. Және сол сайлауды жан-жақты бақылағысы келген. Ал оны құрғызбай, соны сылтау етіп, Компартияны жарты жылға жапқандағы мақсаты – сайлаудың қалай өткенінен көрініп тұрған жоқ па?! Және парламенттің өзін өзі тарқатқан мәжіліс сияқты қайтадан «үндемес» парламентке айналғаны да – биліктің Халық майданы мен Компартиямен не үшін күрескенін білдіріп тұрған жоқ па?! Егер Компартия сол сайлауға қатысып, Халық майданы толық қанды жұмыс істегенде, жағдай қазіргідей болмас еді. Билік бірақ оны да аз көріп, енді Козлов пен Сапарғали бастаған бүкіл оппозицияның үнін өшірейін деп отыр.

1. Әбләзов те халқым, мемлекетім үшін деп күресіп жүрген азаматтардың бірі. Және қазаққа жаны ашитын адам ретінде білем. Оның үстіне халық үшін күрескен азамат бүгінде, бірінші кезекте, қазақтардың жарқын болашағы үшін күреседі. Басқаша болуы мүмкін де емес.
Өш алып жүр дегенге сенбеймін. Оның шыдамы таусылып, содан кейін ол ашық күреске шықты деп ойлаймын.
2. Халық майданы да осындай наразылықтан, шыдамның таусылғанынан туған қозғалыс. Ол мерзімінен бұрын өткен парламенттік сайлау қарсаңында құрылды. Және сол сайлауды жан-жақты бақылағысы келген. Ал оны құрғызбай, соны сылтау етіп, Компартияны жарты жылға жапқандағы мақсаты – сайлаудың қалай өткенінен көрініп тұрған жоқ па?! Және парламенттің өзін өзі тарқатқан мәжіліс сияқты қайтадан «үндемес» парламентке айналғаны да – биліктің Халық майданы мен Компартиямен не үшін күрескенін білдіріп тұрған жоқ па?! Егер Компартия сол сайлауға қатысып, Халық майданы толық қанды жұмыс істегенде, жағдай қазіргідей болмас еді. Билік бірақ оны да аз көріп, енді Козлов пен Сапарғали бастаған бүкіл оппозицияның үнін өшірейін деп отыр.
3. Жаңаөзен мен Шетпедегі қаза тапқандардың нақты санына қатысты біздің «жаңаөзен-2011» халықаралық комитеті де деректер жинап жатыр. Сондықтан, көп ұзамай біз де өз ол мәліметтерді жариялаймыз.
4. Жақын арада үлкен өзгерістер болатынына мен де сенгім келеді. Бірақ сол өзгерістердің нәтижесінде билікке, сіз айтқандай, халықшыл, мемлекетшіл тұлғаның келуі екіталай, өйткені қазір Ақордада түрлі кландар мен олигархтардың арасында үлкен астыртын «шайқас», теке-тірес жүріп жатыр. Халық солардың ойындары мен «соғыстарының» құрбаны болып кете ме деп қорқам. Сондықтан біз халық, оппозиция болып бірігіп, сол ойындарға қарсы тұра білсек қана, билікке халыққа жаны ашитын адамдар келеді.

Жауап: Бұл сұраққа да жоғарыда айтқанымды қайталағым келеді. Қазіргідей сайлаудың карикатурасын жасамай, оған барлық партиялар қатысып және сайлауды әділ де ашық өткізгенде ған, жүйе өзеріп, билік басына адал, патриот басшы келеді.

Жауап: 1. Ол да қолынан келгенше және өз түсінігіне сәйкес күресіп келеді. Тек мен оның биліктің адамы дегенге сенбеймін. Мүмкін, ол билікте көп жыл қызмет атқарғаны оның өз бетінше күрес жолын таңдап алуына әсер еткен шығар...
Жауап: 2.Ол жігіттің мінез-құлқын кейде мен де түсінбей қалам. Мүмкін, оның да өз тактикасы бар шығар...

Жауап: 3. Адал, таза, халықты ойлайтын адам болуы керек. Және ондай азаматтар бар деп сенемін. Әйтпесе, президенттің айналасындағылар: «Назарбаевтан басқа ел басқа алатын адам жоқ!» деп үнемі байбалам салып жатады. Бұл дегеніңіз, өз халқын менсінбеумен бірдей. Уақытында талай батырлар мен данышпандарды шығарған қазақ халқы тәуелсісздік жылдары ел басқара алатын адам таба алмай, жұтап қалды дегенге кім сенеді? Оның жауабы да дайын: әбден байып, ойына келгенін істеуге үйреніп қалған шенеуніктерге, әрине, Назарбаевтан басқа ешкім керек жоқ. Ал халыққа керек.

Жауап: 4. Менің ойымша, президент өзінің қызы Дариғаны немесе Нұтай Әбіқаевты өз орнына тастап кетуді ойлап жүрген сияқты.

Жауап: Халық майданы маған емес, халыққа керек! Өздерініңіз көріп отырсыздар ғой заман не боп бара жатқанын... Жаңаөзен қырғыны, Ақтаудағы соттар, қымбатшылық, оппозиция белсенділеріне тағылып жатқан адам ақылына қонбайтын айыптар, билік басындағы жемқорлық... Бұл тізімді жалғастыра беруге болар еді. Бірақ оның бәрін халық өзі-ақ біліп отыр. Осындай кезде күш біріктіріп, бір жағадан бас шығару керек болды. Біз сол үшін Халық майданын құрғымыз келді. Ал қазір оны құрғызбай, Компартияның жұмысын уақытша тоқтатып тастаған кезде, халықтың жағдайы түзеліп, жемқорлық азайды ма?! Билік өзгеріп, елдің мұң-мұқтажына құлақ асып жатыр ма? Қайта керісінше ахуал бұрынғыдан да қиындап, шиеленісіп барады. Былтыр Ақорда мұнайшылардың қарапайым еңбек дауын шеше алмай, халыққа қарсы оқ атуға дейін жетті. Биыл ел билікке өз сөзін айтайын деп митингтер өткізгісі келсе, оған да рұқсат бермей, бәрін шетінен соттап, айыппұлдармен қорқытып жатыр. Тіпті Оралда журналисті пышақтап кетуге дейін жетті. Мұның арты неге апарып соғатынын ойлаудың өзі қорқынышты. Осындай қиын кезде Халық майданы сияқты күш біріктіретін қозғалыс керек емес деп кім айта алады?! Тіпті сол үшін Компартяиның жұмысын бір жылға тоқтатты. Бірақ онымен халықтың наразылығын, әділдікті талап еткен үрдісті тоқтатып, үнін өшіре алмас.

1. Әрине және міндетті түрде қазақша сөйлесеміз.
2. Ол дегеніңіз, олар өз халқын, ана тілін, төл мәдениетін сыйлауды, құрметтемеуді үйретпеген. Олардың қолы «ақша жасаудан» тимей келеді.
3. Оларды қазақшаға, отанды сүйуге үйретпесе, шенеуніктердің арасында патриотиз емес, пара мен жемқорлық бірінші орынға шығып тұрғанда, олар бізді жарқын болашаққа емес, басқа бір елдің бодандығына салып жіберуі де ғажап емес. Бірақ, сонымен бірге, соңғы кезде жастар арасында қазақ тілін үйренуге деген ұмталыс байқалып келеді. Мен соларға сенем және солар арқылы Қазақстан гүлденіп, өркендейді деп ойлаймын.
4. Мұнымен келісем. Қазақстанға қайтып оралып жатқан басқа ұлт өкілдері көп емес. Көбісі өз қандастарымыз және олардың арасында келген жағына қайта кетіп жатқандары да аз емес. Отаным деп келген оларға мемлекет қолдау көрсетіп, рахмет айтуы тиіс. Керек десеңіз, оларға жағдай жасай алмағаны үшін мемлекет олардан кешірім сұрауы қажет, әсіресе қайта көшіп кеткендерден. Олар басқалары сияқты мұнда ақша жасап, баю үшін емес, Қазақстанның гүлденуіне еңбегім сіңсін, оның ыстық-суығын бірге көрем деп келгендер. Ал бізге қайта көшіп келіп жатқандар туралы не деуге болады? Олардың арасында барған жағында «жерсінбегендері» де, жұмыс таба алмағандары да бар. Ал кейбіреулері біздің басшылардың жемқорлыққа жақын екен менталитетін жақсы білгендіктен, көбіне, ақша жасау үшін келіп жататыны да жасырын емес. Әрине, егер олар мұнда өз Отаныма қайта оралдым деп жатса, ондайларға құрмет көрсету керек, қолдау қажет.
5. Қазақтар қай жерде жүрсе де, олардың Қазақстаннан басқа Отаны жоқ. Жаңағы сіз айтқан мәселелерге де оң ықпалын тигізетіні де анық. Бірақ мына мәселені есте ұстау керек: Германия мен Изриль өз қандастарын қабылдағанда – оларға алдымен жағдай жасайды, тіл үйретеді, мамандыққа оқытады, содан кейін жұмыс береді. Ал біздің басшылар болса, оларға «келсеңдер келе береңдер, бірақ өз күндеріңді өздерің көресіңдер» деп отыр. Сондықтан біз алдымен өз экономикамызды көтеріп, бәрін жұмыспен, жақсы жалақымен қамтамасыз етіп алуымыз керек. Басқалары бізден үйренетіндей, үлгі алатындай деңгейге жетсек, біздің тіліміз де құрметтеледі, қазақтарды дүние жүзі сыйлап, Қазақстанмен бәрі санасатын болады. Сол кезде бізге келем деушілер де көбейеді және біз оралмандарға көмектесе аламыз, оларды лайықты жұмыспен қамтамасыз етеміз.
6. Мұнымен онша келіспеймін. Себебі біздің шенеуніктердің 80 пайызға жуығы қазақтар. Бірақ сол 80 пайыздың көбісі өз ана тілмейтіндер. Міне солар мемлекеттік және ана тілдін білмей тұрып, басқаларына өз халықыңды, өз отаныңды сүйіңдер деп қалай үйрететініне, үлгі көрсететініне таң қалам?! Ал басшы қызметте жүрген басқа ұлт өкілдеріне келсек, ол да президенттің «ұлтаралық татулық саясатының» басты бір көрсеткіші. Бірақ олар бәлендей бір мәселерді шешіп жатыр деп ойламаймын. Бәрі бір адамның қолында болған кезде, олар тырп ете алмайды. Ары кетсе, ана Школьниктің ұлы сияқты Ресейден мұнай өңдеу зауыттарын сатып алып жатқан шығар.
7. Егер соттар сайланып, ІІМ, прокуратура, қаржы полициясына, ҰҚК-ге тамыр-таныстық арқылы емес, шынайы біліктілігі мен тазалығының арқасында жұмысқа тұрса, онда, расында, жемқорлықты сіз айтқандай бір жылда жеңуге болмаса да, оны көп азайтуға болады. Шынында, жемқорлық қазір қоғамның басты дертіне айналды. Бұл тіпті рухани, моральдық азғындау жолына түсіретін бас ты себеп.
8. Білім саласы – қай елдің болмасын, сауаттылығын, зайырлығын, өркениеттілігін бағалайтын басты көрсеткіш. Жоғары оқу орындары беретін білім деңгейге қарап, мемлекетті де сыйлап, құрметтейді. Ал қазіргі білім саласындағы жемқорлыққа қарап, ВУЗ-дардың басшылары жастарымыздың болашағын, қабілетін, біліктілігін ұрлап отыр деуге келеді. Бәрі мектептен, оқудан басталады. Ал біздің пара мен ақша жинауға негізделген білім жүейсіне қарап, Қазақстанның болашағы бұлыңғыр деуге тура келеді амалсыздан.

Жауап: Мен бұл сұраққа жоғарыда жауап бердім деп ойлаймын. дегенмен, толықтара түсейін: мен сіздің айтқандарыңызбен ішін-ара келісем. Бірақ жаман болсын-жақсы болсын – егер Қазақстанда, ең болмағанда, қазіргі оппозиция болмағанда, Қазақстан әлдеқашан Өзбекстанға, Түрікменстанға айналар еді. Оның үстіне оппозиция (ОП) қоғамнан бөлек ала алмайды. Ал ОП ішіндегі ырың-жырыңға келсек, ол да биліктің шаруасы. Мысалы, Тоқтар Аубакиров жақында жасаған мәлімдемесін өз еркімен жасады деп ойлайсыз ба? Басқа да сондай құбылыстар соған ұқсас. Шынын айтса, билік қазір ОП-ны сотпен, ҰҚК, прокуратурамен қорқытып ұстап отыр. Назарбаевтың өзі уақытында «кез келгеніңді қолыңнан ұстап, сотқа апара алам» деді емес пе? Сондықтан біз, бейнелеп айтқанда, лилипуд халық болып, арамыздан Гуливер іздемеуіміз керек. Әрқасымыз «Гуливер» болуға ұмтылуымыз тиіс. Егер біз біріміздің кемшіліктерімізді іздеп, оны жаһанға жария қылып, ерлік істегендей мақтанып жүре берсек, біз осылай кете береміз. Оның орнына руға, жүзге бөлінбей, «бір жағадан бас, бір жеңнен қол шығырып» біріксек, өз арамыздан жаңа лидерлер шығарып, оны жан-жақтан «шұқылап», талап-жемей, оған көмектессек, сонда ғана заман өзгереді, билік те халықпен санаса бастайды. Басқа жол жоқ. Соны жақсы білген билік те халықтың басын біріктірмеу үшін бәрін істеп жатыр.

Тілегіңізге рахмет

1. Мен «ескі» коммуниспім, кезінде аудан мен облыстық партия комитеттерін де басқардым. Және қазіргі режиммен шын күресіп келе жатқан бірең-сараң партиялардың бірі – дәл осы біздің партия. Оның жұмысын билік екі рет қатарынан жарты жылға жауап отырғаны да сондықтан. Осымен мен сіздің сұрағыңызға жауап бердім ғой деп ойлаймын.
2. Айтқандарыңызбен толық келісем. Бұл сұраққа да жоғарыда жауап бердім. Бірақ тағы да қайталаймын, қазақ тілі мен қазақтардың көсегесі көгермей, біздің елде жақсылық болады деп күтудің өзі күмәнды. Ал партия қатарындағы басқа, әсіресе орыс ұлты өкілдеріне келетін болсақ, бәріміз партияның жарғысы мен бағдарламасын мойындаймыз. Ал ол құжаттарда Қазақстан Конституциясы мен заңдарын танитымыз айтылған. Олай болса, қазақ тілінің мемлекеттік тіл екенін де, қазақтар осы елдің түпкілікті, мемлекет құрушы ұлт екенін бәрі мойындап, соған сәйкес жұмыс істейміз.

Сенетін тұлғалар бар. 16 миллион халық болып Назарбаевқа теңдес тұлға табылмаса онда біздің ұлтымызға кір келеді. Менің өзім білетін бес-алты азамат бар - бүгінгі президенттен артық істемесе, кем істемейтін. Сосын мына батыр деп жүрген Тоқаң туралы айтатын болсақ, бұрынғы біздің батырларымыз елін, жерін, халқын қорғаған кезде ол жанын беруге әзір болады халқы үшін. Олар - батырлар. Бұл кісінің батырлығы "ерекше". Бұл да батыр. Мәселен ғарышқа ұшып бара жатқанда ол жаумен соғысуға кетіп бара жатқан жоқ қой. Бұл - өзінің ішіндегі қорқынышты өзі жеңумен байланысты батырлық. Партиялар туралы - пайдасы жоқ деп айтатын іс жоқ, пайдасы жоқ деп айтатын жан жоқ. Билікке пайдасы тимесе, халыққа пайдасы тимесе, ондай партияны керек жоқ деп айтуға болмайды. Бір кісінің мәселесін шешсе - соның өзі пайда. Сондықтан, әр партия, әр ұйым өзінің қолынан келген жұмыстарын істеп жатыр. Ісі көп пе, аз ба - сынайтын да, баға беретін де халық.

Оппозиция туралы неше түрлі әңгіме көп. 20 жылда сол оппозицияның қатарында жүрген кісі - менмін. Оппозиция қолынан күш келмейді, сенімізді кейде ақтамайды деген әңгімелер болады. бірақ, биліктің кемшіліктерін айтып отырғанымыз сол оппозицияның арқасында, сол оппозицияның пайдасы осы болар. Түркменстан сияқты елдерге қарағанда бүгін қайткенмен айтарымызды айтып жүрміз. Ал, оппозицияның сынын есту, пайдаға асыру - биліктің шаруасы. 20 жыл ішінде айтылмаған кемшілік жоқ. Оның көбін билік қабылдаған жоқ. Қабылдамауының кесірінен осындай жағдайға келдік - ортақ тіл жоқ, сенетін экономика жоқ, ертеңгі күнге сеніміміз де жоқ. Айта кетейін деп отырғаным - бұл іс жалғыз оппозицияның қолынан келмейді. халық болып оянуымыз керек. Жаманды жаман, жақсыны жақсы деп айтатын уақыт келді. Жақсыны сақтап, жаманмен күресетін уақыт келді. Сондықтан, осы жақсылықты оппозиция әкелсін деп сенгеніңізге рахмет, бірақ, халық болып шығуымыз керек, халық болып істеткізуіміз керек. Егер дұрыс сайлау өтетін болса - парламенттік болсын, президенттік сайлау болсын - халқын сыйлайтын адамдар билікке сол сайлау арқылы келетін болса, ертең-ақ жағдайымыз жақсарады. Өйткені, құдай берген Қазақстанның байлығы елді тез арада түзетуге мүмкіндік береді. Арманым - қазақ елі, қазақ халқы мына Скандинавия елдеріндей болса деймін, өмірі, білім сапасы соған жетсе екен деймін. Болашағымызды ойлайтын болсақ, қай уақытта да сайлау болып жатады, елбасының орнын біреуге беруімен байланысты сайлау болып жатса, сол сайлауға олигархтар дайындалып жатыр, олар өз байлығын сақтау үшін өз кісісін дайындап отыр. Қазір президенттің айналасындағы адамдардың көргені, істеген ісі біреу. Ертең олар ұсынған адам халықтың өмірін жақсарта алмайды. Сондықтан, халық болып, халық атынан ұсынылған азаматтарды қолдауымыз керек.

Еуразия Одағы туралы: қауіп бар. Өйткені біз бұл одаққа әзірленбей кіріп отырмыз. Завод, фабрикаларымыз тұр. Халық болып бірлік жоқ. Бірлік қағаздың бетінде. Бірлігі бар елдің көрсеткіштері жоғары болады. Тәуелсіздікке қаупі болатыны - бірінші, тұрақты экономика құрылған жоқ; саяси институттар ата заңда қаралған жұмыстарын істеп отырған жоқ; ортақ дін жоқ, ортақ тіл жоқ, ортақ идея жоқ. Осындай түрімізбен аяққа тұрған ел - Ресеймен одаққа кіру - қауіпті.

Әр ұлт өзінің мәселелерін өздері шешуі керек. Оппозицядағы басқа ұлт өкілдерінің көздегені - өздерінің бүгінгі әлеуметтік жағдайын қорғау. Оларда қазір Қазақстан егемендік алған соң, өзінің болашағын өзі шешуі керек деген ой. Сондықтан, басқа халықтардың алдында күлкіге қалмас үшін қазақ халқы, оны басқарып отырған азаматтар қандай істер істесе де - бірінші қазақтың абыройын көтере ме, ұятқа қалдырмас па екен - осындай оймен істеуі керек. Біз қазақ халқы бірде-бір ұлттан кем емеспіз. Құдай аямай жер байлығын беріп отыр. Жердің астында да, үстінде де байлық. Егер осы байлықты пайдаланбасақ, үлкен дамыған елдердің қатарына қосыла алмасақ, болашақта қазақ халқына кір келеді. Әр ұлт өзінің болашағын өзі ойлайды. Біз қазақ - мемлекет құрушы халықпыз. Сондықтан басқа ұлт өкілдері бізге қарап отыр. Егер біздің ісіміз алға жүрмесе, "қолдарынан келмеді" деп айтады. Егер ісіміз алға жүрсе, бәрі қостайды.

Мен 1991-92 жылдары үкіметтің атына да, келген компаниялардың атына да айтқаным - жұмысқа жергілікті азаматтарды алу. Бұл мәселе бүгінге дейін шешілмей келеді. Қазір біздің елге мұнайдың айналасында істейтін шетелдік мамандарды әкеліп керегі жоқ. Өйткені, жұмыс істейтін кісі ақша бар жерде әр уақытта да көп. Мамандықтары жоқ десе, оқытсын. Қытайлар біздің елге ақша табу үшін келді. Мен қазақтарды жергілікті, я болмаса оралман деп бөлмеймін. Бәрі - біздің қазақ. Бұл әңгіме бірінші рет көтеріліп тұрған жоқ, 20 жылдың ішінде шешімін таппай келе жатқан мәселе. Қай компания болмасын, Қытайдікі, Еуропанікі болсын - шетелден келген жұмысшылар айлықты біздікілерден екі-үш есе артық алады. Уақытында Мәсімов Атырауда болғанда шетелдік инвесторларға бұл мәселені шешу керек деп айтқан. Бірақ оның сол айтқанын ешкім орындамайды. Шетелден келген компаниялар жергілікті жұмысшыларға құл ретінде қарайды. Ол - біздің елді, біздің қазақты сыйламағаны. Ақша табуға келдің бе - бірінші, біздің заңды сыйла; екінші, халықты сыйла. Ереуілшілердің бүгін көтеріп отырған мәселелерінің бәрі дұрыс. Біз бұл мәселенің шешілуін қолдаймыз. Қолымыздан келгенше көмегімізді береміз.

Мен 4 рет сайлауға түстім. Парламентке. Әр уақытта да халықтың күшімен, қолдауымен жеңдім. Соңғы екі сайлауда жеңсем де депутат болғызбады. 1989-1995 жылдар есімде көбірек із қалдырды. Бүгінгі онлайн-конференцияны пайдаланып, Атырау халқына - менің сайлаушыларыма үлкен рахмет айтқым келеді.

Елбасы болуға лайық адамдар бар. Біреу емес, бес-алты. Президент боламын дегендердің саны - одан да көп. Аты-жөнін айтсам, ертең-ақ ол кісімен күрес басталады. Сондықтан, бұл кісі, яғни қазіргі президент орынды босатам деген кезде біз оның орнына лайық деген кісілердің аты-жөнін жариялаймыз.

Біздің қазақтың елінде тұрған азаматтардың бәрі біледі - соңғы 5-6 жылдың ішінде жаңадан партия тіркелген жоқ. Сондықтан, егер де партияның атын өзгертуге ұсыныс жасалатын болса, тіркелмейтіні бәріне белгілі. Оны "Алға" партиясының тәжірибесінен білуге болады. 3 жылдан асты - тіркеле алмай жүр. Егер партияның атын өзретсе, қайтадан тіркелуге тура келеді. Ал, партия бүгін оппозициялық болғандықтан, атын өзгертіп, қайта тіркеу туралы әңгіме көтеруге болмайды. Онда бізді тіптен жауып тастайды. Өйткені, партияны тіркеу үшін қазіргі партияның аты тіркеуден алынуы керек. Алуын алады, қайтадан тіркемейді.

Тоқтар Әубәкіров жайында - әркім өзінің мәселесін өзі шешеді ғой. Менің ойымша, ол өз ойы мен өз тілегімен мұндай шешімге барған жоқ сияқты. Осы уақытқа дейін қолынан келгенінше елінің болашағы үшін күресті.