Халықаралық қауым Бирма басшылығынан оппозиция жетекшісі әрі бейбітшілік жөніндегі Нобель сыйлығының лауреаты Аун Сан Су Чжиді абақтыдан босатуды талап етуде.

ЯНГОН: Дүниежүзілік қауым - Бирма мемлекетінің өкіметінен оппозицияның жетекшісі әрі бейбітшілік жөніндегі Нобель сыйлығының лауреаты Аун Сан Су Чжиді тұтқыннан босатуын қайта-қайта талап етуде. Бирманың негізгі қаржылай демеушісі болып табылатын Жапония - сәрсенбі күні осы елге арналған барлық қаржылай көмегін тоқтатты. Франсия - Бастилия қамалының құлаған күні мерекесіне орай, Аун Сан Су Чжиді өзінің Бангкоктегі елшілігіне қонаққа келуге арнайы шақырып отыр. Ал БҰҰ-ының Бас хатшысы Кофи Аннан Бирма Бирма оппозициясының қазіргі халіне тағы да үлкен алаңдаушылығын білдірді. Ұлы Британия болса, Бирма басшылығына деген қысымын қатаңдатуға дайын.