Ауғанстан үкіметінің төрағасы Х.Қарзай аймақтар басшыларын кедендік және басқа салық түрлерінен жиналған қаржы-қажатты жасырып, өз армияларын қаруландыруға жұмсап жатыр деп айыптауда.

КАБУЛ: Ауғанстандағы провинциялардың басшылары мен жергілікті дала қолбасылары соңғы айларда Хамид Қарзайдың үкіметіне салық есебінде жиналған 56 млн. доллар қаржы берді. Жылдың соңына дейін Ауғанстан үкіметі бас-аяғы 200 млн. долларға жуық қаражат алуды жоспарлап отыр. Үкімет төрағасы Хамид Қарзай аймақтық жетекшілерді кедендік және басқа да салық түрлерінен жиналған қаржы-қаражатты жасырып, ол қаражатты өз армияларын қаруландыру мақстанында жұмсап жатыр деп айыптады.