АҚШ-тың Мемілекеттік департаменті таяудағы Косово басшыларының серб босқындарына өз үйлеріне оралулары туралы үндеуін қолдап отыр.

Мемлекеттік департаменттің өкілі Филип Рикер бұл мәлімдемені "теңдессіз" деп бағалады. Рикердің айтуынша, Вашингтон әліге дейін Косовоға барлық ұлттар мен ұлыстардың өкілдерінің оралуын жөн көреді, бұл мақсаттар үшін 2003-інші қаржы жылында 14 миллион доллардан аса қаржы бөлінген. Соғыстан кейін Косовоны сербтер мен өзгеде ұлттық азшылықтардың 200 мыңдай өкілі тастап кеткен.