Либерия президенті Чарльз Тэйлорға адал әскерлер бүкіл елдің бестен бірін ғана бақылап отыр.

МОНРОВИЯ: Либерияның көтерілісшілер басып алған астанасының түбінде жекелеген қақтығыстар өтіп жатыр. Жексенбіге қараған түні кескілескен айқастардың нәтижесінде бүлікшілер астанаға алып баратын негізгі жолдың бойындағы стратегиялық көпірді басып алды. Либерия президенті Чарльз Тэйлорға адал әскерлер бүкіл елдің бестен бірін ғана бақылап отыр және бүлікшілердің тағы ірі шабуылына тойтарыс беруге әзірленуде. АҚШ-тың Либериядағы елшісі Джон Блэйни бүлікшілерді көп қантөгіске жол бермеу үшін, Монровияға қарай шабуылдарын тоқтатуға шақырды.