ВАШИНГТОН: АҚШ президенті Дж.Буш пен Ұлы Британияның премьер-министрі Тони Блэр Солтүстік Кәрейді тағы да ядролық қару жасаудан бас тартуға шақырды. Дүйсенбі күні Тексас штатында сөйлеген сөзінде Дж.Буш Солтүстік Кәрейдің ядролық бағдарламасы төңірегіндегі жанжалды Жапонияның, Оңтүстік Кәрейдің және Қытайдың қатысуымен көп жақты келіссөздердің арқасында дипломатиялық жолмен реттеуге болады деген үмітін білдірді. Ал ағылшын үкіметінің төрағасы Тони Блэр Пхеньянның ядролық технологияларды шығарып, эскпорттауына тіпті жол беруге болмайды деп мәлімдеді.
