Кем дегенде 2006 жылдың соңына дейін күшінде болатын бұл жарлықтың негізгі мақсаты - американ базарларындағы қақтығыс алмазы немесе қанды деп аталып жүрген алмаз саудасына тосқауыл қою. Африкадағы көтерілісшілер қозғалысы қандай да бір аймақтағы бағалы тастар өндіруді бақылауда ұстап, одан түскен ақшаға қару-жарақ сатып алады екен. Нақты осындай жолдармен халықаралық террористерді қаржыландыру жүзеге асып отыр деген жорамалдар көп айтылып келген.
