Ингушетияда әскери жүк мәшинесі жарылып, 5 сарбаз қаза тауып, біреуі жараланған.

Елдің ішкі істер министрлігінің хабарына қарағанда, жарылыс сейсенбі күні кешкісін Галашки елді мекені маңында болған. Әскери колоннаның жолына күші мықты жарылғыш зат қойылған. Бүгін ингуштердің Малгобек қаласындағы қонақ үй жанынан 25 киллограмдық аммонит жарылғышы табылған. Арнайы мамандар минаны залалсыздандырған.