Қырғызстан өз аумағынан берілетін жаңа әскери база жөніндегі келісім жобасына Ресеймен бірге қол қоюға дайын көрінеді.

Қырғызстан бас министрі Николай Танаев Қорғаныс министрі Есен Топоевқа Ресейлік әріптесімен ол келісімге қол қоюға ресми өкілеттік берген. Бішкектен 50 шақырымдай шығыс аймақтағы Қант кентіндегі ол болашақ әуе алаңы Ұжымдық қауіпсіздік кеңесінің келісімімен салынбақ. Бұл шартқа Ресей, Қазақстан, Қырғызстан, Тәжікстан, Беларусь және Армения елдері мүше.