Кеше Болгария президентінің әскери көмекшісі, генерал Михо Михов бұл базаларды орналастыру алдағы жылы елдің Солтүстік атлантикалық одаққа қосылуынан кейін мүмкін болады деп мәлімдеген. Болгария өкіметінің пайымдауынша, әскери базаларды өз елінде орналастырудың саяси және экономикалық тиімділігі болады. Таяу күндері НАТО-ның Европадағы күштеріне басшылық етуші, генерал Джеймс Джонс Одақ алдағы жылдары өз жасақтарының бір бөлігін Батыс Европадан Шығыс Европаға көшіруге дайын болады деп мәлімдеген.
