ГРОЗНЫЙ: 1,5 мыңға жуық әскерилер мен милиция қызметкері Автура және Сержень-Юрт елді-мекендерін басып алмақ болған ірі чешен жасағының ізіне түсіп қуып келеді. Бейсенбі күні ғана екі жақты шайқаста кем дегенде ресейлік 7 жауынгер мен милиция қызметкері оққа ұшты және Ца-Ведено ауылы әкімшілігінің басшысы Супьян Юнусов қаза болды. Чешендер жағының адам шығыны, ресми ақпарға сәйкес, 18 адамға жеткен. Белгілі дала қолбасы Әбу әл-Уали басқарған чешен жасағы бірнеше шағын топқа бытырап, Чешенстанның таулы алқаптарына қарай бет түзеген тәрізді.
