ТАЯУ ШЫҒЫС: Палестина автономиясының басшысы Ясир Арафат экстремистік топтардың көсемдерін Израильмен тағы да бітімге келуге шақырды. Автономия үкіметі Арафаттың ол мәлімдемесіне толық қолдау білдірді. Палестина басшылығы, сонымен бірге, экстремистік топтардың жетекшілерін Израиль армиясының өлтіруін ащы сынға алды. Таяуда ғана израильдік тікұшақтарының әуе берген соққысынан “Хамас” пен “Ислам джиһады” топтарының 4 белсендісі қыршын кетті. Оның алдында экстремистік топтар Израильмен арадағы бітімді өз тарапынан бұзатындарын жариялады. Сәрсенбі күні Израиль әскері терроризмге шатысы бар деген күдікпен Иордан өзенінің Батыс жағалауында 30-дан аса палестиндікті тұтқынған алды.
