Accessibility links

Астанада «Жас қала» конкурсы өтеді


Қыркүйектің 27-сі мен қазанның 30-ы аралығында Қазақстан Астанасында «Жас қала» атты конкурс өтпекші.

Алты номинация бойынша сайыстар өтетін бұл конкурсқа 16-30 жас аралығындағы жастар қатысатын болады дейді осы конкурсты ұйымдастырып отырған Қазақстанның Жастар Конгресі республикалық қоғамдық бірлестігінің өкілі Әйгерім Түгел.

- Бұл конкурс бағдарламасына вокал, хореография, аспапты музыка, теле- және радиожүргізушілер конкурсы, жас ақындар айтысы мен дизайнерлер жарысы енгізіліп отыр. Конкурстың басты мақсаты – талантты, дарынды жастарды тауып, оларға қолдау көрсету, - деді Әйгерім Түгел.

Қазақстанда биыл жастар саясаты саласына қазынадан 320мың доллар көлемінде ақша жұмсалатын болса, алдағы жылы бұл мақсатқа 1 млн долларға жуық қаржы бөлу жоспарланып отыр.
  • 16x9 Image

    Кенжебек НҰРҚАСЕНҰЛЫ

    Кенжебек Нұрқасенұлы - 1967 жылы туған. Семей мемлекеттік университетін тәмамдаған.
    Семейдегі «ТВК-6» телеарнасында, «СолDAT» газетінде, «Қазақ тарихы» журналында жұмыс істеген. Азаттық радиосында 2001 жылдан бері еңбек етеді. 

XS
SM
MD
LG