Accessibility links

Шығыс Қазақстан облысында сенбінің соңына қарай күші 1-2 бал болатын және жексенбіге қараған түні сағат 2-де қуаты 2-3 балға дейін өскен жер сілкінісі бірннеше дүркін қайталанды.


ӨСКЕМЕН: Шығыс Қазақстан облысынан Қазақ ақпарат агентігінің хабарлауынша, сенбідегі 4 балдық жер қозғалысынан соң, сенбінің соңына қарай күші 1-2 бал болатын және жексенбіге қараған түні сағат 2-де қуаты 2-3 балға дейін өскен бірнеше дүркін жер сілкінісі тіркелді. Төтенше жағдайлар жөніндегі Шығыс Қазақстан облыстық басқармасының ақпарына сәйкес, адам өлімі жоқ, бірақ Зайсан, Зырян және Күршім аудандарындағы тұрғын үй, ғимараттарға болар-болмас нұқсан келген: терезелердің шынылары сынып, сылақтары шытынап түскен. Төтенше жағдайлар басқармасының шұғыл кезекшісі атап көрсеткендей, жер асты қозғалысының тағы қайталануы әбден мүмкін, зілзаланың қашан және қандай күшпен қайталануын ешкім болжай алмайды.

AzattyqTV

XS
SM
MD
LG