Бұұ Ирақтан жүздеген қызметкерін әкетті.

БҰҰ Ирақта қауіпсіздік жағдайына орай небары 50 шақты қызметкерін қалдырып, өзге жүздеген қызметкерлерін әкеткенін хабарлады. 22 кісінің ажалына жеткен Бағдадтағы БҰҰ-ның пәтері бомбаланған 19 тамыз оқиғасынан кейін бұл ұйым Ирақтағы 600 қызметкерін қысқартуға кірісті. Кеше Бағдад батысында америка әскерінің аутокөлік керуеніне болған шабуылдан 1 американдық солдат опат болып, екі солдат жарақаттанды.