МИНСК: Одақтас Ресей және Беларусь мемлекетінің министрлер кеңесі орыс рублін екі елдің ортақ валюсаты ретінде 2005 жылдың 1 қаңтарында енгізу туралы өзара ортақ келісімге келе алмады. Ол жөнінде сәрсенбі күні хабарлаған Ресей премьер-министрі Михаил Касьянов екі жақты келіссөздердің сәтсіз аяқталуы үшін барлық жауапкершілікті Минскіге жүктеді. Рублдің енгізілуіне өтемақы ретінде жылына 120 млн. доллар төлеу жөніндегі Мәскеудің ұсынысын Минскі қолдамай отыр. Егер алдағы 3 айда ортақ келісімге келе алмасақ, деп атап көрсетті М.Касьянов, онда ортақ валютаны енгізудің уақыты дегенді мүлде “ұмытуға болады”.
